Nota informativa sobre o torneo de CS

Aquí podedes ver os os concursos oficiais que se celebrarán na party nos que haberá tamén premios. Se hai xente interesada en facer outros concursos, intentaríamos organizalos tamén, e dar algún detalle ós gañadores.

• 14:00 - 14:30 Lanzamento de CD (patrocinado por CIN)
• 17:00 - 20:00 Fotografía dixital
• 17:30 - 18:00 Debuxo rápido
• 22:00 - 23:00 Need for Speed Porsche 2000

• 00:00 - 01:00 Half-Life 1 (patrocinado por PC Box)
• 12:00 - 13:00 Worms Armageddon (patrocinado por Kasio)
• Ata as 18:00 Asalto á Bastilla

Half-Life: Gústanos moito a primeira versión deste xogo que co tempo se converteu nun clásico e deu lugar a outros xogos como Counter-Strike. A versión utilizada será a 1.1.1.0 (pre-Steam).

Need for Speed Porsche 2000: Aínda que este xogo xa ten uns anos, segue sendo un bo xogo, onde prima a simulación sobre o arcade, e calquera ordenador (aínda que xa teña uns anos) pode executar sen problemas.

Fotografía dixital: a organización proporá un tema, e os participantes terán que facer fotos relacionadas co mesmo. Darase un tempo de 2-3h por se alguén quere saír do recinto para facelas súas fotos fóra.

Debuxo rápido: Esta é a primeira vez que faremos este concurso, que a xente que é asidua de outras partys xa coñecerá. A organización proporá un tema, e os concursantes terán 15-20 min para debuxar algo relacionado co mesmo usando un programa de debuxo, como o Paint, The Gimp, Photoshop, etc.

Lanzamento de CD: Este xogo é parecido ó da petanca, e a xente que xa veu outros anos xa o coñecerá. O obxectivo é lanzar un CD e quedar o mais preto posible dunha liña marcada no chan.

Asalto á Bastilla: O obxectivo neste concurso é selo primeiro en entrar nun ordenador instalado pola organización, utilizando técnicas de hacking.

Temos unha sección no foro adicada ós concursos onde poderedes preguntalas vosas dúbidas e propoñer ideas.