Neste terceiro ano da Galaecia.net, o evento móvese para o pabillón de FEXDEGA. Agora o local ten espazo suficiente para poder preparar algunhas ideas que nos están a rondar pola cabeza, aparte de ter coma o ano pasado unha zona de acampada para o que queira traer a súa tenda de camping, así coma uns vestuarios  para que poidades asearvos. Enlace a Google Maps.

 

Tamén temos á nosa disposición unha aula separada para as conferencias totalmente equipada, onde poderedes asistir ás charlas que se impartan tanto se estades inscritos á party como se vindes de fóra.

 

NOTA: En todo momento haberá un control de acceso, e só os participantes da party poderán acceder á zona de ordenadores e de acampada.

 

Na zona de acampada só se poden montar tendas que non necesiten ser clavadas ó chan, como o modelo Iglú. Aconsellámosvos traer saco de dormir e colchoneta. O chan non é precisamente brando.